دقايق قبل نتفارق وندخـل دنية الأحـزان

سلام عليكم ورحمه الله وبركاته
صباحكم / مساكم ورد
ان شالله تكونون بدوام الصحه والعافيه
.
.
هذي قصيده اعجبتني وحبيت اشاركم فيها
.
:
دقايق قبل نتفارق وندخـل دنية الأحـزان

أبي منك سبب واحد يقــول انك تخليــني

أنا مــن يــوم حبيتك وأنت بـداخلي فنان

أمانه ليش يا قاســي تبي بيدك تبكيــني

حبيبي أنت لي دنيا وأنا دونك بقايا إنسان

دخيلك لو تبي ترحل تخلي صورتك فيني

أنا عمـري بعـد حبك يصير بـدنية النسيان

يصير بدنيتي ذكرى وكل الناس تـرثيني

على شانك نزل دمعي وفجر داخلي بركان

وصار الــدم هـــو دمعي يبلــل كل خذيني

أصــيح الآه وأتألم ودمعـي ينشــدك ولهان

يقـــولك ليه نتفارق وربي فيــك مــبليني

خسارة يوم حبيتك أنا عاشق وأنا الغلطان

أنا من زود حبي لك زرعتك في شراييني

زرعتك داخلي فرحه لقيتك للأسف نيران

كتبتك في ضلــوعي اسم لا يمكن يعنيني

كتبتك حبي الواعد رسمتك بأجمل الألوان

ولكن كانت اللوحة ضباب وغيم يخفيني

رسمتك للوفا زهــره وأثرك للألم بستان

حسافه يـــوم حبيتك وقلت انك تحبـيني

حسافه دامني حبك حسافه دامني الإنسان

حسافه كل ما اذكــر على شانك يخليني

توكل وابتعد وأنسى مدامك ناوي الهجران

وأنا بعد ك معي جرحي أواسيه ويواسيني

ولكـن حط في بالك إذا عــدى عليك أزمان

وجابك قلبك القــاسي تـدور عن دواويني

بتلقى اسمك الجارح على خد الورق عنوان

ولكن ما أظن انك تجي حدي وتراضيني

لأني بعـــد هالفرقى بكون بدنيتك عـــدمان

وحيد ودنيتي قبري ودود الأرض يكسيني

يسلموو على الموضوع الروعه